Новото раководство на КХВ ги утврди приоритетите за пазарот на хартии од вредност
Објавено во: Финансии 20 Февруари, 2013
Новиот состав на Комисијата за хартии од вредност на Република Македонија ја одржа првата конститутивна седница. Нов претседател на Комисијата е Елизабета Чингаровска, а членови се Милаим Ајдини, Михаил Петковски, Александар Стојков и Сејдија Фазлиоски.
Претседателот на КХВ Елизабета Чингаровска и комисионерот Милаим Ајдини се професионално ангажирани, а останатите тројца функцијата ќе ја извршуваат како надворешни комисионери, соопшти Комисијата за хартии од вредност.
На седницата, одржана вчера беа утврдени главните приоритети за работењето на Комисијата за хартии од вредност на Република Македонија во текот на 2013 година.
- КХВ ќе продолжи активно да ја извршува својата функција на супервизорски и регулаторен орган на пазарот на хартии од вредност, како од аспект на унапредување на регулативата, така и од аспект на контрола на сите учесници во работењето со долгорочни хартии од вредност во земјава, ќе продолжи да ја промовира транспарентноста како модел на работење и да го усовршува системот на комуникација со јавноста и со учесниците на пазарот на хартии од вредност, засилено ќе се посвети на едукација на издавачите на хартии од вредност и на потенцијалните инвеститори, што е во корелација со реализирање на краткорочните и на долгорочните цели на КХВ, стои во соопштението.
Од Комисијата сметаат дека преку едукацијата на пошироката јавност за правилно инвестирање на средствата се очекува да се придонесе за стабилност на финансискиот систем и да се помогне да се ублажат негативните последици од глобалните финансиски кризи врз македонскиот пазар на хартии од вредност. - Едуцираните инвеститори со знаења од областа на пазарот на хартии од вредност може да придонесат за дополнителна ликвидност на пазарот, кој претставува еден од начините за финансирање на акционерските друштва, се наведува во соопштението.
Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
