Обвинителството го гони Тони Михајловски за закана со убиство
Објавено во: Македонија 17 Октомври, 2018
Основното јавно обвинителство поднесе обвинителен предлог против едно лице за загрозување на сигурноста. Иако обвинителството не го прецизира идентитетот на обвинетиот, „Макфакс“ дознава дека се работи за обвинение против актерот Тони Михајловски за закани врз новинарот, Бранко Тричковски.
„Обвинетиот се товари дека на 16.06.2017 година, по пат на информатички систем, се заканил дека ќе стори кривично дело за кое е пропишана казна затвор од 5 години или потешка казна. Заканите биле објавени во форма на коментар на неговиот профил на една социјална мрежа и биле насочени кон оштетено лице – новинар, при што обвинетиот повикал на физичка ликвидација и ја загрозил сигурноста на новинарот“, наведе обвинителството.
Михајлоски на датумот што го наведе Обвинителството објави „Фејсбук“ статус дека може да го убие Тричковски без око да му трепне.