Обврзниците да не чекаат во 5 до 12 да поднесат барања за отпис на каматите

Добивај вести на Viber

На крајот на месецов истекува рокот за поднесување Барања за отпишување на пресметаните неплатени камати по основ на достасани обврски за придонеси од задолжително социјално осигурување кои настанале во периодот од јануари 2009 година, заклучно со декември 2012 година, информираат од Управата за јавни приходи (УЈП). Оттаму апелираат обврзниците да не го чекаат последниот рок, 31 декември, за да ја искористат можноста за отпишување на каматите. И тоа во износ од 100 отсто камата ако исплатата на заостанатите обврски за кои е поднесено барањето подносителот ја изврши во рок од шест месеци од денот на поднесувањето на барањето и редовно ги исполнува достасаните тековни обврски; 75 отсто ако исплатата на заостанатите обврски за кои е поднесено барањето подносителот ја изврши во рок од 12 месеци од денот на поднесувањето на барањето и редовно ги исполнува достасаните тековни обврски; и 50 отсто камата ако исплатата на заостанатите обврски за кои е поднесено барањето подносителот ја изврши во рок од 18 месеци од денот на поднесувањето на барањето и редовно ги исполнува достасаните тековни обврски. Повеќе информации за начинот на остварување на правото за отпис на камати заинтересираните може да најдат на веб-страницата на УЈП преку посета на линкот http://ujp.gov.mk/mk/javnost/soopstenija/pogledni/378, да се обратат во Инфоцентарот на УЈП на телефонот 0800 33 000 или преку електронска пошта на info@ujp.gov.mk.