ОД КАДЕ ИЗЛЕГОА ТОЛКУ МНОГУ СЛОБОДНИ КРИМИНАЛЦИ - Само во Велес МВР уапси шест лица за кои биле распишани потерници
Објавено во: Македонија 19 Декември, 2021
Со оглед на тоа колку МВР приведува лица за издржување затворски казни, се поставува прашањето од каде излегоа толку многу слободни криминалци.
Само во Велес вчера биле приведени шест лица, соопшти полицијата.
„На 18.12.2021 полициски службеници од СВР Велес, врз основа на судска наредба, ги привеле Б.А.(40), Н.П.(21), Ј.Ј.(39), М.А.(24), И.У.(40) и Р.С.(30), сите од Велес. За нив биле распишани потерници за издржување затворски казни.
Р.С. била спроведена во Казнено-поправната установа Затвор Идризово, а останатите пет лица биле спроведени во Казнено-поправната установа Затвор Скопје за издржување на казните“, се вели во соопштението од Министерството за внатрешни работи.