ОД НУДЕЊЕ БРЗИ КРЕДИТИ И ТОА КАКО ДОБРО СЕ ЖИВЕЕ - Изи Фајнанс лани со профит од половина милион евра

Добивај вести на Viber

Давањето брзи кредити од финансиските друштва е и тоа како профитабилна дејност. Со своите податоци излезе Изи Фајнанс АД Скопје, преку Македонската берза за долгорочни хартии од вредност. 

Нејзините финансиски извештаи покажуваат дека компанијата минатата година ја завршила со нето добовка, односно профит после оданочување од близу 500 илјади евра. 

Според скромните податоци што се приложени на Берзата кај друштва со посебни обврски за известување, ова финансиско друштво остварило вкупни приходи од 2,5 милиони евра.

Додека, пак, добивката пред оданочување била 583 илјади евра.

Компанијата има нето готовински тек од близу 92 илјади евра. 

За сопственичкиот капитал на компанијата е наведено дека е 100 отсто сопственост на едно физичко лице.

На веб страната на Изи Фајнанс е наведено дека тоа е финасиско друштво, односно Еазу Фајнанс АД Скопје е небанкарска финансиска институција, лиценцирано и регистрирано од страна на Министерството за финансии на 07 јуни 2018 година, за извршување на следните финансиски услуги: одобрување кредити и факторинг.

„Ние сме насочени кон изнаоѓање на решенија, нудејќи различни производи од микокредитирање, хипотекарно кредитирање и факторинг“, стои на нивната веб страница.

Нагласуваат уште и дека во делот на микрокредитирање нудат ние сме максимално корисни и лесно достапни за секој корисник, нудејќи потполно онлајн аплицирање за кредит.

Н.Н.Ф.