Од вторник ќе се донесе одлука просториите во Тетово да се вратат повторно во служба на Средното медицинско училиште
Објавено во: Македонија 26 Август, 2022
Првиот потпретседател на Владата, Артан Груби денес реагираше на полемиките за давањето на стариот објект на Средното медицинско училиште во Тетово на користење на Агенцијата за катастар на недвижности, нагласувајќи дека одлуката за тоа е донесена од страна на Владата без никаква негативна тенденција.
Груби појасни дека ваквата одлука првично била усвоена во 2021 година на барање на Агенцијата во времето кога градоначалник на општината била Теута Арифи и дека истата година на барање на општината овие простори биле вратени на располагање на училиштето. Тој појасни дека Агенцијата за катастар на недвижности и годинава го повторила истото барање со образложение дека има неискористени простории и Владата, исто како и во 2021 година, повторно ја усвоила одлуката без никаква негативна тенденција.
Првиот потпретседател на Владата, Артан Груби истакна дека за Владата одлучувачки е гласот и волјата на тетовчани, затоа од вторник ќе се донесе одлука овие простории да се вратат повторно во служба на Средното медицинско училиште во Тетово.
„Без никаква намерна тенденција, исто како и во 2021 година, Владата ја усвои одлуката тие простории да преминат на користење на наведената агенција за да им служат на граѓаните на Тетово. Но, наоѓајќи се секогаш во служба на потребите на граѓаните, потенцирам дека барањето на родителите и учениците за потребата од користење на тие простории е апсолутен приоритет за мене и за Владата, затоа и без никакво двоумење веќе од вторник, Владата ќе го врати на нивно располагање стариот објект на Средното медицинско училиште во Тетово, исто како што направивме и пред една година. Ние им служиме на нашите граѓани без никаква резерва и немаме заробен ум или злобна душа да им се одмаздиме на граѓаните или институциите, тоа го докажавме во изминатите 21 година и тоа никогаш нема да се промени“, наведува Груби.
Во тие простории настава изведуваа учениците од македонските паралелки во Гимназијата.
Можеби ќе ве интересира
МИЦКОСКИ ГО СЛЕДЕЛЕ СО ДРОНОВИ: „Го разузнавале претседателот на опозицијата“, премиерот најавува одговорност
НАЈБЛИСКИТЕ СЕ ПРОСТУВААТ ОД ЗОКИ ФАЦИ: Веста за неговата смрт ја шокираше Македонија
КАКО ТИВКАТА БОЛЕСТ СТАНУВА ОПАСНОСТ: За латентната туберкулоза и нејзиното ширење д-р Злате Мехмедовиќ
ВАДЕЊЕТО ЈАГЛЕН И ЛИГНТ ПРЕПОЛОВЕНО: намалување има и кај производството на мебел и облека, еве ги деталите
ПОЧИНА ЗОКИ ФАЦИ: Трагичната вест ја соопшти Лазаров
„НЕ МОЖАМ ДА ТИ ГО ПОДНЕСАМ ОДНЕСУВАЊЕТО, ПОЗДРАВ“: Тоа била пораката што Данела и ја пратила на Мазнева, пред да ја разреши од директорската позиција на Комунална
КОЦЕ ТРАЈАНОВСКИ СЕ ПОФАЛИ И ПОКАЖА УШТЕ ЕДЕН ПАТ: Готова е втората делница од патот Крива Паланка-Длабочица, ќе се скрати патувањето до нашиот источен сосед
ДВА КИЛОМЕТРИ АВТОПАТ ПОЧНУВААТ НИГДЕ И ЗАВРШУВААТ НИГДЕ, ВО ДУПКА: Николоски откри кој е криминалот за автопатот Скопје-Блаце
ФАКТОР НА ДЕНОТ: Се одржа седница за пратенички прашања, опозицијата и власта си разменија остри зборови
