Одлуката на ФЕД ги дигна акциите на европските берзи

Добивај вести на Viber

Цените на акциите на европските берзи утринава пораснаа, а најголем пораст беше забележан во банкарскиот сектор поради добрите вести од американската и кинеската економија, како и пораките од ФЕД дека и понатаму ќе води лабава монетарна политика. FTSE индексот 300 на водечките европски акции порасна за 0,6 отсто, лондонскиот FTSE, парискиот CAC и франкфуртскиот DAX се зголемија помеѓу 0,2 и 0,7 отсто. Сепак, најголем пораст од 1,2 отсто утрово забележаа цените на акциите во банкарскиот сектор по добрите деловни резултати на Сосиете Женерал. Цената на акциите на оваа франфуртска банка се зголемија за повеќе од 5 отсто. На пазарот позитивно влијаееше и вчерашната одлука на ФЕД дека ќе продолжи да купува државни и хипотекарни обврзници во вредност од 85 милијарди долари месечно, со што се намали стравот дека ФЕД ќе почне да ги намалува поттикнувачките монетарни мерки пред економијата цврсто да застане на нозе. Вложувачите ги охрабрија и добрите резултати за раст на американскиот бруто домашен производ во вториот квартал, како и јакнењето на индустриската активност во Кина.