29 Март, 2024
0.0273

Официјално Кривичен бара од МВР да го приведе Сеад Кочан

Објавено во: Македонија 10 Март, 2017

Добивај вести на Viber

На официјалната веб страна на Основниот суд во Скопје е објавена одлуката на Кривичниот суд со која се бара од надлежните да го приведат бизнисменот Сеад Кочан.

Во решението се наведува дека притворот е во траење од 30 дена, сметано од неговото лишување од слобода.

СЕ НАЛОЖУВА на овластените службени лица од МВР на РМ, СВР Скопје, ОЕКР, Единица за извиди и потраги, Одделение за потраги-Скопје, по пронаоѓање и лишување од слобода на осомничениот С. К., да го спроведат на издржување на мерката притвор во КПУ Затвор Скопје – Скопје, а за истото веднаш да биде известен Основниот суд Скопје 1 Скопје.“, стои во одлуката на судот.

Во дел од образложенито на одлуката се објаснува целиот процес, а меѓу другото пишува:

„Кривичниот Совет на овој суд, постапувајќи по изјавената жалба, откако ги разгледа списите приложени во предметите на овој суд КПП.бр.144/17 и КПП.бр.145/17, обжаленото решение, жалбата, одговорот на жалба, како и наводите изнесени од странките на одржаната седница, најде дека:

Жалбата е основана.

Во конкретниов случај, по наоѓање на Советот од увидот во списите на предметите КПП.бр.144/17 и КПП.бр.145/17, постои основано сомневање дека осомничениот С. К. го сторил кривичното дело - Злоупотреба на постапката за јавен повик, доделување на договор за јавна набавка или јавно-приватно партнерство од чл.275-в од ст.3 в.в. со ст.1 од Кривичниот законик, за кое се сомничи.

На опасноста од бегство, по наоѓање на овој Совет, а како што основано се наведува во изјавената жалба, укажуваат личните прилики на осомничениот. Судијата на претходна постапка донел погрешен заклучок дека постои мала веројатност за бегство од причина што осомничениот има постојани месечни примања и е во работен однос, но факт е дека осомничениот С. К. е Управител на друштвото М... Компани, на кое сопственик е неговата сопруга А. К., па оттука произлегува логичен заклучок дека и покрај тоа што осомничениот е во работен однос истиот може да се даде во бегство. Осомничениот е имотен човек, што укажува на тоа дека може да се даде во бегство, бидејќи истиот поседува ресурси кои би можеле тоа да му го овозможат. Преку материјалните средства што тој ги поседува, осомничениот може непречено да реализира напуштање на границите на РМ и обезбедување на засолниште во странство, дотолку повеќе што неспорен е фактот дека тој многу често патува надвор од земјата. Во таа смисла, во услови кога на осомничениот не му е ограничено неговото движење бидејќи поседува патна исправа, согласно понапред изнесените причини може да се даде во бегство и да се крие, односно да стане недостапен на органите на прогон. Советот цени дека видот, карактерот и тежината на кривичното дело кое му се става на товар, за кое е предвидена казна затвор од најмалку 5 години, се околности кои исто така генерираат опасност од бегство“.

Адвокатскиот тим на Сеад Кочан пред малку во изјава за медиумите посочи дека до нив и до нивниот клиент нема стигнато никакво решение за притвор, туку дека за тоа слушнале од медиумите, и дека се додека не добијат решение Сеад Кочан е слободен човек.

Сеад Кочан е првоосмничен во најновата истрага на Специјалното јавно обвинителство, а Трансмет важи за доминантна компанија во тендерските зделки со Владата на ВМРО ДПМНЕ. Од 2012 година досега оваа компанија има добиено близу 64 милиони евра од државни тендери.

Можеби ќе ве интересира

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење