Оглас за вработување во МВР

Добивај вести на Viber

Од Министерството за внатрешни работи денеска информираа дека се распишува јавен оглас за прием на 50 извршители.

Имено, МВР бара 7 извршители со завршено образование од областа на информатичка технологија, електроника, телекомуникации, автоматика или вештачка интелигенција, 4 извршители со завршено образование од областа на телекомуникациите, 10 извршители со завршен Природноматематички факултет (насока хемија и биологија), 2 извршители со завршен Природноматематички факултет (насока физика), 1 извршител со завршен Машински факултет (насока моторни возила), 8 извршители со завршен  Правен факултет (5 извршители со завршен Правен факултет) и (3 извршители завршен Правен факултет и со положен правосуден испит), 8 извршители со завршен Економски факултет (насока банкарство и јавни финансии), и 10  извршители со завршен  Факултет за безбедност.

Кандидатите треба да ги исполнуваат следните општи услови:

-да е државјанин на РМ,

-да е полнолетен, а да не наполнил 30 години живот ако за првпат заснова работен однос на работно место за кое е предвидено високо образование

-да е здравствено и психофизички способен и

-со правосилна пресуда да не му е изречена казна забрана на вршење професија, дејност или должност.

Кандидатите треба да ги исполнуваат следните посебни услови:

-познавање на англиски јазик (познавање на други светски јазици се смета за предност)

-познавање на работа со компјутери

Заинтересираните кандидати треба да ги достават следните докази за исполнување на потребните услови за работното место, во оригинал или копија заверена на нотар:

-диплома за завршено високо образование,

-извод од матична книга на родените,

-доказ дека со правосилна пресуда не му е изречена казна забрана за вршење професија, дејност или должност,

-сертификати и дипломи за завршени стручни курсеви и обуки и

-кратка биографија (CV)

Повеќе информации можете да прочитате на овој линк.