ОГЛАСИ ЗА ВРАБОТУВАЊЕ: Како да препознаете сериозна понуда за работа?
Објавено во: Финансии 16 Јуни, 2016 09:29
На многу сајтови за вработување, но и на социјалните мрежи има огласи за вработување, но граѓаните кои бараат работа често се во недоумица кои од огласите се веродостојни.
Се случува едни исти компании многу често да бараа кадар, има огласи каде не се бараат некои посебни квалификации, освен флексибилност и ентузијазам или огласи каде исклучиво се бараат кандидатки за вработување до одредена возраст. Во дел од огласите се нудат високи плати и плус бонуси што изгледа примамливо.
Младиот Раде Ристиќ од Куманово откако завршил средно стручно училиште во родниот град, бара работа, а во меѓувреме волонтира преку Црвен Крст на граничен премин Табановце и им помага на бегалците. Тој вели дека многу од огласите се објавуваат само формално, а луѓето веќе се вработени.
„За 80% од огласите веќе се најдени работници, само формално ги пуштаат огласите. Кога сакам да разгледувам огласи, ги следам на страницата на АВРМ или директно изложени огласи во Центарот за вработување за тоа каде има потреба од работници. Инаку нема некоја техника како да се препознае кои огласи се веродостојни, а кои не. Мене лично поверодостојни ми се тие со повеќе информации од типот плата, работно време, обврски, локација на фирма, историја на фирма“-вели Ристиќ.
Давид Алексовски, магистер по економски науки вели дека ангажирањето на работници од работодавачите би требало да се одвива според определени правила и критериуми дефинирани во Законот за работни односи на РМ. Ако работодавачот вработува кадар по пат на јавен оглас во истиот мора да ги наведе следниве елементи: насловување на работната позиција со прецизно дефинирање на работните задачи, условите за работа кои кандидатот мора да ги исполни, времетраењето на дневното и неделното работно време, рок за пријавување кој треба да биде минимум 5 дена, рокот за избор на кандидати, точни податоци на работодавачот (назив, седиште, телефон, лице за контакт и адреса за доставување на апликациите) и износот на нето плата, додава тој. Советува да не избрзуваат луѓето со давање на лични податоци кои не мора да ги даваат.
„Исто така особено корисно е да се направи мини истражување ( преку телефонски контакт со официјално лице, интернет или неформални контакти) за работодавачот за проверка на клучните податоци за дејноста, седиштето, лицата за контакти и слично. Вообичаена пракса за сериозните и легалните фирми е тие самите да инсистираат на интервју или првично запознавање со кандидатот. Доколку тоа не е случај тоа е убав знак за зголемена претпазливост. Дополнително наведениот износ на плата е исто така сигнал за веродостојност. На интернет може да се пронајдат статистички податоци за просечни плати по дејности за домашни и странски економии. Не би требало да се очекуваат некои претерани разлики со понудените плати. Во крајна линија треба да се избегнуваат неформални огласи за вработување, особено за во странство, поставени само на facebook, на плакати на улица и слично, и да се користат формални и докажани посредувачи за работа, кои имаат широка база на податоци и контакти за проверка на работодавачите“- објаснува Алексовски.
Вообичаено во огласите најмногу работници се бараат за Скопје и скопскиот регион, а за помалите места потребата за ангажирање работници е помала.
С.А.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
