Добивај вести на Viber
Одлични резултати прикажа Охридска банка во извештајот објавен на берзата вчера.
Според презентираните резултати за девет месеци во 2015 година Охридска Банка бележи кумулативен финансиски резултат за периодот од 1.1.2015 до 30.9.2015 год. во износ од 370.4 милиони денари (6 милиони евра), што споредено со третиот квартал за 2014 година, е зголемување од 185.6 милиони денари, односно за цели 100,5%.
Пораст бележат нето-приходите од камати за 13, 4 отсто, и сега се на ниво од 731,4 милиони денари што според банката е резултат на подинамично намалување на каматните расходи споредено со намалувањето на каматните приходи.
Во истиот девет месечен период нето-приходите од провизии и надоместоци се на ниво од 190.9 милиони денари што е зголемување за 20 , 06 отсто во одно на истиот период лани.
Зголемување од 30, 9 отсто имаат и нето-приходите од курсни разлики кои сега изнесуваат 76.4 милиони денари наспротит ланските 18.0 милиони денари.
Другите приходи изнесуваат 86.3 милиони денари, во кои е вклучена реализираната капитална добивка од продадени преземени средства за наплата на побарувања, капитална добивка од продадени основни средства и приходи по дивиденда од капитални вложувања.
Од друга страна намалени се вкупните оперативни трошоци за сума од 480 илјади денари, на кое влијание имаа пониските трошоци за изнајмување и одржување, за амортизација, осигурување депозити, провизии и аутсорсинг, патувања и превоз.
Исправката на вредноста на финансиските средства на нето-основа на крајот од третиот квартал на 2015 год. изнесува 171.4 милиони денари споредено со 143.5 милиони денари за третиот квартал од 2014 година, во кој износ беше вклучен поголем износ на наплата минатата година.
Целиот извештај на
Македонска берза