Она што се случи во Индија, може да се случи насекаде, вели Клуге

Добивај вести на Viber

На добар пат сме да се спречи пандемијата, но не треба да се брза со укинување на мерките, вели  директорот на Светската здравствена организација за Европа, Ханс Клуге. 

Тој денеска во Сараево изјави дека тој е „претпазлив оптимист“ и верува дека светот е на добар пат да ја спречи пандемијата на коронавирусот. Сепак,  предупреди дека не треба да се брза со укинување на мерките. Клуге предупреди дека сепак е потребно да се задржи претпазливоста, бидејќи  не е постигнат целосен успех, поради што мерките за ограничување треба да останат уште некое време за инфекцијата повторно да не се прошири неконтролирано.

„Она што се случи во Индија, може да се случи насекаде. Ако имате масовни собири и нагло укинување на мерките, со продирање на нови варијанти на вирусот, проблемот лесно ќе се врати“, рече Клуге.

СЗО ќе го забрза производството и дистрибуцијата на вакцините. Клуге кажа дека почетокот на вакцинацијата е многу  бавен, но објасни дека ова не е „рутинска имунизација“ затоа што обично се потребни од пет до седум години за да се развијат безбедни вакцини. Вели дека ова е историски успех што за една година се развиени пет безбедни вакцини.

Сега е најкритично во Индија, каде има најмалку 20 милиони заразени со вирусот. 

Сите кои од Индија и Бразил ќе допатуваат во Македонија, ќе мора да одат 14 дена во карантин.