Основачот на Алибаба падна на трето место на најбогати Кинези

Добивај вести на Viber

Основачот на Алибаба Џек Ма повеќе не е најбогатиот Кинез, а тронот му го превзеде бизнисмен од секторот на енергетиката, Ли Хејун чиј имот се проценува на 26 милијарди долари, покажува истражувањето на кинескиот магазин Хурун.

Според листата на овој магазин на најбогати луѓе во светот за 2015 година, богатството на Ли Хејун, основачот и директор на кинеската енергетска компанија „Енерџи Холдинг Груп“ речиси тројно се зголемени за година дена, така да тој сега е најбогатиот човек во Кина и 28 во светот.

Титулата најбогат Кинез минатата година ја понесе сопственикот на Алибаба, откако неговата компанија во семтември ја заврши првата иницијална јавна понуда на акции на Њујоршката берза во вредност од 25 милијарди долари.

Според овогодинешната листа на Хурун, Ма паднал на трето место во Кина, со богатство од 24,5 милијарди долари, а на второ место е кинескиот милијардер Ванх Јианлин, претприемач во обаста на недвижности и сопстевник на Ванда групата, со богатство од 25 милијарди долари.

Компанијата на најбогатиот човек во Кина, „Енерци Груп“ е основана во 1994 година, соработува во хидроенергетскиот сектор и во секторот на соларната и огноенергијата.

Бил Гејтс, коосновачот на технолошкиот гигант Мајкрософт, се задржал на позицијата најбогат човек на светот со проценето богатство од 85 милијарди долари, а го следат мексиканскиот тајкун Карлос Слим (83 милијарди долари) и американскиот милијардер Варен Буфет (76 милијарди долари) , се наведува во извештајот на Хурун магазинот.