ОСТАНУВА ТАЈНА КОЈ КУПИ 4,99 ОТСТО ОД АКЦИИТЕ НА СТОПАНСКА БАНКА БИТОЛА - дали ова се можните продавачи на тој акционерски пакет
Објавено во: Финансии 23 Април, 2025 11:07
Не се дозна кој ги купи 4,99 отсто од акциите на Стопанска банка Битола за сума од над еден милион евра.
Централниот депозитар за хартии од вредност секој прв ден од работната недела ги објавува ревидираните состојби на сопственичката структура на компаниите, а според најновата, Стопанска банка Битола повторно има само еден сопственик со акционерски капитал над 5 отсто, а тоа е компанијата „Пелистерка“, со 16,99 отсто.
Тоа значи дека оној што ги купил 4,99 отсто од акциите е нов акционер во банката, бидејќи доколку имал и сосема мала количина акции, ќе надминеше 5 отсто и ќе се појавеше во акционерската структура на ЦДХВ.
За да добиеме малку појасна слика за тоа кој ги продал своите акции во Стопанска банка Битола, можеби ќе ни помогнат податоците за тоа кој акционер со колку акции располагаше, а што се дозна кога Комерцијална банка објави намера за преземање на акциите заедно со проспект, при што беше објавена и подеталната акционерска структура на банката.
Според таа структура, Трајан Маслалковски располагаше со пакет од 4,99 отсто од акциите, Тони Јосифовски имаше само една акција помалку, што исто одговараше на 4,99 отсто од акциите.
Ненад Јосифовиќ располагаше со 4,93 отсто од акциите, комманијата ДПТУУ Тимох ДОО Скопје поседуваше 4,86 отсто, холдингот ОРКА, пак, поседуваше пакет олд 4,68 отсто, друштвото Нет електроникс Владимир ДООЕЛ Скопје имаше во сопственост 4,15 отсто, Скопски пазар 4,10 отсто, Бест Веј Инвестмент ДООЕЛ имаше 3,85 отсто, и акционерот Русе Иљоски поседуваше 3,67 проценти.
Оваа акционерска слика беше пред подолг период, па треба да се има предвид дека состојбите може и во меѓувреме да се измениле. А, според таа состојба, двајца акционери имале пакет од по 4,99 отсто, па се поставува прашањето дали можеби некој од нив ги продал своите акции, но сето тоа, засега останува во зоната на непотврдени информации.Инаку, како што веќе пишувавме, банката минатата година ја заврши со добивка од одлични 2,5 милиони евра, наспроти огромната загуба од 3,1 милиони евра во 2023-та.
Но, таа добивка нема да се исплати како дивиденда на акционерите, туку, Собранието на акционери на седницата што ќе се одржи на 21 мај оваа година, ќе гласа за одлуката таа да се распореди како акумулирана добивка ограничена за распределба на акционерите.
Н.Н.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
