ОСТАВЕНИ САМИ НА СЕБЕ: Едно дете умира на секои два часа во камп во Судан
Објавено во: Свет 05 Февруари, 2024
Лоша е ситуацијата во камп во Судан каде се сместени раселени лица. Едно дете умира на секои два часа во кампот Замзан.
Ова е еден од најголемите и најстарите кампови за раселени лица во Судан, објави денеска добротворната организација Лекари без граници (МСФ).
„Пред да почне конфликтот во април минатата година, луѓето во кампот многу се потпираа на меѓународната поддршка за храна, здравствена заштита, чиста вода и сè друго. Сега тие се речиси целосно напуштени“, рече Клер Николет, директорка на Лекари без граници.
Николет побара од меѓународната заедница итен одговор за критичната ситуација во која се најдоа раселените лица во кампот Замзам во Судан.Високиот комесаријат за бегалци на Обединетите нации, Филипо Гранди, предупреди на нов прилив на бегалци во Европа доколку наскоро во Судан не биде потпишан договор за прекин на огнот.
Конфликтот меѓу суданската армија, предводена од генералот Абдел Фатах Бурхан, и отцепените Сили за брза поддршка, предводени од Мохамед Хамдан Дагало, почна во април лани.
Се проценува дека повеќе од девет милиони луѓе се внатрешно раселени во Судан поради војната.