Откриено што пишува во позитивниот извештај на ЕУ за Македонија

Добивај вести на Viber

Потребни се структурни реформи кои ќе траат со години поради штетата од претходното владеење, но најважно е што овој ат постои голема политичка волја за напредок, пишува меѓу другото во позитивниот извештај од ЕУ за прогресот на Македонија, до кој дојде „Независен“.

„Европската комисија, како резултат на постигнатиот прогрес, препорачува отворање на преговорите за членство со Македонија. Задржувањето и продлабочувањето на сегашниот реформски моментум околу ургентните реформски приоритети ќе бидат решавачки за идниот прогрес на земјата. За да го поддржи ова, Европската комисија ќе примени зајакнат пристап за преговарачките поглавја околу судството, фундаменталните права и правдата,слободите и безбедноста на земјата“.

Исто така се оценува дека е завршена значајна работа околу ургентните реформски приоритети, прво и пред се преку искрена желба за реформирање и преку објективна проценка на ситуацијата, проследено со подготовка на стратегиите што се одолговлекувале претходно, и тоа на транспарентен начин и со вклучување на опозицијата.

„И покрај тешкотиите, поради отсуството на главната опозициска партија најважните стратегии и закони од овој пакет се донесени во периодот од декември до фебруари, а повеќе други се подготвени за усвојување во наредните месеци. Што е најважно, политичката волја да се оди напред е јасно присутна“, стои во извештајот на ЕК. 

Се проценува исто така дека Парламентот прави напор да го воспостави повторно својот капацитет за контрола над власта, идека позитивниот прогрес во преговорите за името треба да се надгради.