ОВА Е ПЛАНОТ НА ИЗРАЕЛ ЗА ОДМАЗДА: „Ако има текво сценарио нема да го таргетираме само Израел“

Добивај вести на Viber

Иран утринава соопшти дека неговиот ракетен напад врз Израел - најголемиот досега воен напад врз еврејската држава - е завршен доколку нема дополнителни провокации. Израел и САД веќе најавија дека ќе му се одмаздат на Техеран.

„Нашата акција заврши доколку израелскиот режим не одлучи дополнително да се одмазди. Во тоа сценарио, нашиот одговор ќе биде посилен и посилен“, рече иранскиот министер за надворешни работи Абас Аракчи во објавата на X.

Во изјава за државните медиуми, Генералштабот на иранските вооружени сили рече дека секој одговор на Израел ќе биде дочекан со „големо уништување“ на неговата инфраструктура. Исто така, рече дека ќе ги таргетира регионалните цели на секој израелски сојузник што ќе се вклучи.

Планот на Израел за одмазда

Ситуацијата на Блискиот Исток ескалираше во вторникот, дополнително кога Израел изврши копнена инвазија на Либан, кој е седиште на милитантната група Хезболах.

Зад Хезболах стои Иран, кој се закани дека Израел ќе биде казнет за бруталните напади врз Хезболах, а тие закани ги остварија со гранатирање на Израел.

Затоа, милиони луѓе во Израел беа принудени да одат во засолништа каде што престојуваа додека не бидат информирани дека опасноста поминала.

Имено, според порталот Аксиос, добро поврзан со израелски и американски безбедносни извори, цел на Израел најверојатно ќе бидат иранските капацитети за производство на нафта. Израелскиот премиер Бенјамин Нетанјаху изјави дека Иран направил „голема грешка“ со својот напад и дека „ќе плати за тоа“.