Добивај вести на Viber
За една година, вредноста на девизните резерви на злато на Македонија се намалила за околу 70 милиони евра, покажа официјалната статистика на Народната банка.
Така, во март лани вредноста на девизните резерви во злато изнесувала 272 милиони евра, а заклучно со март годинава резервите во злато се намалиле на 205 милиони евра.
Според НБРМ, ваквиот пад на вредноста на државните резерви се должи на постојаниот пад на цената на златото на светските берзи, а не е резултат на друго вложување или трошење на резервите.
Просечната цена на златото за првите месеци на 2014 година изнесуваше 1.330 долари за унца, што е 21 отсто пониска од цената пред една година.