Пападакис за Фактор: Криза во грчката влада ќе ги охрабри противниците на Преспанскиот договор
Објавено во: Македонија 17 Октомври, 2018
Оставката на Никос Коѕијас ја носи Владата на Алексис Ципрас во криза и сега се ќе се доведе во прашање, па и Преспанскиот договор иако тој формално правно е жив, вели за Фактор Јоргос Пападакис. Тој смета дека Ципрас, кој сега ќе ја превземе функцијата на министер за надворешни работи, нема лесно да се откаже од договорот кој е важен за него, а и дека за тоа има притисоци од Европската Унија и од САД.
На прашањето како ова ќе се рефлектира во Скопје, Пападакис вели дека треба да се почека да се види како ќе се одвиваат процесите.
„Ова може да ја охрабри опозицијата оти секоја неизвесност од грчка страна оди во корист на противниците на Преспанскиот договор, а против напорите на Владата за жал, вели Пападакис.
Ѓ.Т.