ПАТНИК ОТВОРИЛ ВРАТА ОД АВИОНОТ И ОДЕЛ ПО КРИЛОТО: Другите патници – „тој нè спаси“

Добивај вести на Viber

Во Мексико е уапсен МАЖ откако ја отворил вратата за итен излез и одел по крилото на авионот, пишува Би-Би-Си.

Човекот се одлучил на тој потег откако авионот за Гватемала Сити чекал со часови на пистата, а авионот немал клима, ниту вода за патниците.

Мексиканскиот аеродром соопшти дека мажот не е повреден, но подоцна е предаден на полицијата. Останатите патници, пак, испратиле заедничко соопштение во кое тврдат дека мажот имал нивна поддршка во својот план.

Други патници: Ни ги спаси животите

Инцидентот се случил завчера, околу 11:30 часот, три часа откако летот на Аеромексико требаше да полета од Мексико Сити.

Летот бил одложен поради проблем со одржување на авионот, се наведува во извештајот за инцидентот. На крајот, патниците биле префрлени во друг авион и полетале за Гватемала.

Се уште не е познато дали мажот останува во притвор, ниту со какви обвиненија би можел да се соочи.

Патниците го видоа овој инцидент во поинаква светлина.

Сите патници на летот од Мексико Сити до Гватемала наведуваат дека патникот во авионот ја отворил вратата за итен излез за заштита на сите патници и со нивна поддршка, бидејќи доцнењето на летот и недостатокот на воздух во авионот биле опасни за здравје на патниците“, велат другите патници.

„Ни ги спаси животите“, напишаа изјава со потписи од сите, а изјавата ја објавија на социјалните мрежи.