Пекабеско со нови намалени цени за потрошувачите

Добивај вести на Viber

Пекабеско ги намали цените на своите производи на сите продажни места во просек за 15 проценти а оваа акција ќе трае до 15 Март годинава.

„Како компанија секогаш се трудиме да возвратиме на довербата и лојалноста која ни ја даваат потрошувачите, купувајќи ги производите на Пекабеско.

Свесни сме дека околу новогодишните празници граѓаните имаа големи трошоци, па сметаме дека сега е вистинско време за оваа промотивна акција која покрај во нашата земја, ќе важи и за потрошувачите од Србија, Косово, Црна Гора и БиХ.“, изјавија од Пекабеско.

Ова е втор пат како компанијата организира ваква акција по Новогодишните празници. Минатата година Пекабеско ги намали цените на своите производи за 10 проценти.

Нашиот најголем производител во сувомесната индустрија го прошири својот производствен капацитет преку отворање на нов Производствено – логистички центар кон крајот на 2012 година. Ова инвестиција беше вредна 13 милиони Евра и придонесе за отворање на нови 100 работни места.

„Првата година по инвестицијата, производството се зголеми за 70 проценти, а минатата година за дополнителни 40 проценти.

Затоа Пекабеско денес брои 430 вработени, а постојано сме отворени за нови вработувања.“, велат од компанијата.

Изминатата 2014 година Пекабеско оствари рекорден извоз во висина од речиси 7 милиони Евра.