ПЕКО ќе преживее ако продаде 100 илјади пара чевли

Добивај вести на Viber

Словенечкиот производител за обувки ПЕКО може да преживее само ако успее да продаде до крајот на годината 100.000 пара чевли. Со реструктуирањето за спас на компанијата е предвидена и продажба на недвижниот имот во Словенија, Хрватска и Србија. Словенечката фабрика за чевли, која, најверојатно, ќе ја заврши годината со минусно салдо, минатата недела по враќањето на вработените од колективен одмор, започна со имплементација на мерки кои треба помогнат за излез од кризата, продолжување на производството и опстанокот на фирмата, пренесува хрватски „Пословни дневник“. Од 360 вработени , 50 ќе бидат отпуштени од работа, но нема да останат на улица. Ако ја прифатат понудата, бидејќи станува збор за вработени во администрацијата, ќе може да ја продолжат својата работа во сестринската фирма PGP Inde, која е еден од најголемите производители од полиуретански ѓонови во Европа, каде о покрај кризата расте побарувачката. Намалување на бројот на вработени, продажбата  на имотот но и соработката со италијански дизајнери и намалувањето на трошоците, се дел од рамката за реструктуирање на ПЕКО. Словенечкиот производител на чевли на домашниот пазар има 26 продавници, 18 во Србија, 10  во Македонија, во  Хрватска  54, во кои има 250 вработени и годишен приход од околу 140 милиони куни (18.55 милиони евра). Имотот на ПЕКО во Хрватска се проценува на 15 милиони куни.