Питер Ванхауте: Размислете два пати пред да гласате, заслужувате подобра иднина!

Добивај вести на Viber

Белгискиот посредник во преговорите на партиите, Питер Ванхауте пред малку на социјалните мрежи испрати порака до граѓаните во земјава кои ќе излезат да гласаат во недела.  

Вашата иднина е во прашање! -вака Ванхауте ја почнува својата порака која ја продолжува со тоа дека во последните три години тој бил  вклучен во напорите за заживување на болната демократијата во Македонија. 

„За неколку дена, ќе го изберете новиот парламент. Изборот на чесни политичари без учинокот на корупцијата, секако, е првиот чекор за обнова на вашата демократија.

Изборите сепак не се крајната точка, но само почеток на многу потребните промени. Овие избори не може да бидат референдум за одредени политичари или политички партии да продолжат со поткопување на вашата демократија.

За време на мојот престој, се сретнав со членовите на вашата влада, политичари и претставници на партиите кои слепо поддржуваа сериозни кривични дела и како политичари се вмешани во корупција, ги крадеа вашите пари и ги става на нивните лични банкарски сметки во странство, имаат врски со организираниот криминал и не сакаат да прифатат било каква одговорност за своите дела. Ова е причината и зошто тие успешно го контролираа судството со цел да избегаат од кривично гонење и затвор. Изборите не може да биде бланко чек за нив да продолжат со вакви активности.

За време на мојот престој таму имам забележано како инспекциските служби, често по наредби од страна на политичарите, изнудуваат бизнисмени, принудувајќи ги да го затворат бизнисот. Ова е главната причина зошто вашата локална економија е болна денес“, пишува Ванхауте на Твитер.

Тој исто така вели дека слушнал како млади девојки се принудени на секс со нивните професори за да положат испит на факултет. Овој проблем не е ограничен на неколку скапани јаболка, но се чини дека е широко распространет. 

„Сум видел како луѓето купуваат диплома и степени, вклучувајќи д-р, без никакви посериозни испити или тези. Сум видел како некои завршуваат во болниците со некомпетентно медицинско познавање кои се сериозна закана за пациентите.

Сум видел како луѓето завршуваат во затвор, не затоа што сториле кривично дело, туку затоа што тие биле критички настроени кон владата. Сум видел новинари и уредници кои беа отпуштени или принудени да се откажат од својата работа, бидејќи тие беа критички настроени кон владата.

И да, сум видел како една партија систематски ги контролира граѓаните и ги присилува да ја поддржат. Многу од овие граѓани се вработени од страна на владата. Тие често работат за плати кои не се доволни за да имаат пристоен живот. И тие се плашат: „ако оваа власт не може да продолжи, јас ќе ја изгубам работата. Тие знаат како гласам, тие ќе видат јас ако не гласам за нив. Моите деца ќе ги загубат своите работни места, ако јас не гласам за нив“, пишува посредникот.

„Истата партија сега ветува многу проекти и вика дека вработувањето ќе оди нагоре, дека сите ќе живеат во рај. Ова е далеку од вистината. Оваа партија и нивните сојузници немаат политики за да се справат со зголемениот број на предизвици со кои вашата земја се соочува. Тие не ја развиваат вашата локална економија, тие не ги гледаат ужасните системи на инспекции, тие не ги дозволуваат критичките гласови, тие не ќе ви овозможат да живеете во слобода. Наместо тоа, тие ќе ви фрлат некои трошки за да бидете среќни и да избегаат со поголем дел од колачот.

Јас, исто така се сретнав со многу граѓани: сите тие заслужуваат подобра држава и силен парламент, кој ќе ја контролира владата. И да, јас видов на изборните листи, исто така, искрени, чесни, компетентни кандидати, кои заслужуваат да станат членови на овој Парламент. Се запознав со многу организации кои се активни во целата земја да се врати назад на демократски пат.

Кога ќе гласате в недела - и сите што треба да гласате, не се плашете дали ќе ја изгубите својата работа, ако се смени власта, туку размислете два пати пред да гласате. 

Размислете за слободата која ја заслужувате, за правото...

Кога ќе гласате в недела, размислете за својата иднина и иднината на вашите деца. Вие сите заслужувате подобра иднина, вклучително и подобри плати, добар образовен систем со почитување на интегритетот на секој студент, систем каде што судиите се независни, а не робови на одредени политички партии, и конечно парламент кој не е слеп за корупција од нивните политичари и учествува активно да се движи чекор по чекор кон поголема демократија и фер политички систем.

Се надевам дека ќе ви посакам добредојде еден ден како нови граѓани на ЕУ, кога активно ќе ги поддржите нашите европски стандарди на демократија, одговорност, транспарентност и почитување на основните права на сите граѓани“, ја завршува пораката до Македонците Питер Ванхауте .