ПЛАТИТЕ ТРЕБА ДА РАСТАТ: Мали се за да се истурка месецот
Објавено во: Финансии 24 Декември, 2016
Просечната бруто плата во октомври била 33.023 денари (538) евра, што е раст од 1,3 отсто на годишно ниво, покажаа статистичките податоци на Народна банка.
Во Македонија во октомври плата не примиле 1,1 отсто од вработените.
Според податоците на Државниот завод за статистика, зголемувањето на октомвриската нето плата се должи на поголеми исплатени заработки во градежништвото за 5,8 и во секторото на услуги нудење на сместување и дејности со храна за 5,7 проценти, се наведува во статистика.
Пресметки на синдикалците
Синдикалната кошница во октомври пресметала дека просечните плати изнесуваат 32 илјади 254 денари.
Оваа просечна плата сепак, според пресметките на Синдикалците не е доволна за да се истурка месецот.
Со таа плата речиси едвај 70% од индикалната кошница се покриваат што упатува на фактот дека најмалку двајца членови во семејството треба да имаат примања на ова ниво за да може да го поминат месецот.
Потребни се поголеми плати
За време на изборната кампања партиите се сконцентрираа на дел од примањата. И двете големи партии и ривали, ВМРО ДПМНЕ и СДСМ ветија зголемување на платите.
СДСМ излезе со поамбициозен план и вети минимална плата од 16 илјади денари, додека владеачката партија издвои нешто помали суми.