ПО ЈУЖЕН ТЕК: Русија ќе носи гас до турско-грчката граница, од таму – снаоѓајте се сами!

Добивај вести на Viber

Доколку ги реализира најавите за стопирање на изградбата на гасоводот Јужен тек, Русија нема намера да гради нов гасовод низ балканскиот регион. Гасот ќе се доставува до големо складиште на турско-грчката граница, а од таму балканските земји ќе мора сами да бараат начини за снабдување. По конфликтот со Брисел околу Јужен тек, Москва сега има намера да го испорачува гасот до самата граница на ЕУ, а потоа ќе ги остави европските земји сами да бараат начин за да го продолжат снабдувањето. „Знаете, не можете да натерате некој да ве сака. Ако потрошувачот не сака стоката да му се испорачува дома, тогаш очигледно ќе мора да се облече и да оди во продавница, а на зима ќе мора дури и потопло да се облече“, објаснува првиот човек на „Гаспром“ Алексеј Милер. Ова ги става веројатно во најнеповолна позиција балканските земји, на кои гасот ќе им биде толку блиску, а сепак толку далечен. Заради недостиг на финансиски средства за самостојно да градат гасоводи од други земји, па и заради голем број нерешени билатерални прашања, за нив може да биде исклучително тешко да се снабдат со рускиот гас, велат познавачите. Мали се шансите на земјите од регионот да се приклучат и на планираниот гасовод ТАП, кој ќе пренесува гас од Азербејџан преку Туција, Грција и Албанија до Италија, бидејќи тој уште е далеку од изградба, а и не е предвиден за доволни количества за снабдување на сите земји од Балканот. Можноста балканските земји да добијат гас од т.н. Северен тек исто така е неизвесна, бидејќи овој гас е речиси на максимум од своите капацитети, а приклучување кон него наајвија и Франција, Холандија и Велика Британија.