ПО НАПИСИТЕ НА ФАКТОР ПРОРАБОТЕ РЕНТГЕН АПАРАТОТ НА ХИРУРШКИ КЛИНИКИ: На Институтот за радиологија НЕ, директорката Белчевска тврдеше обратно

Добивај вести на Viber

Откако Фактор објави дека со денови не работат апаратите за рентген снимање на Хируршките клиники и на Институтот за радиологија, веднаш стигнаа реакции од директорката на Клиниката за институтот за радиологија, д-р Гордана Антулеска Белчевска. Имено, прво информираше дека на Клиниката за хирургија апаратот е поправен и од денеска е ставен во функција. По ова, Фактор се обиде да ја контактира за да даде изјава, но таа не се огласи на нашите повици.

Два часа подоцна, директорката Белчевска побара да објавиме демант, бидејќи и вториот апарат бил во фунција, на што нашата реакција беше дека нема што да демантира, бидејќи информацијата е точна и проверена на терен, така што можеби апаратите од вчера биле во функција, но не и претходно, односно завчера со сигурност не работеа. Сепак, во интерес на пациентите, како што одговоривме, ќе направиме нов текст за да знаат и да не „трчаат“ да одат во приватните здравствени институции или во некоја болница каде што може да ја добијат таа здравствена услуга.

За да обезбеди најточни и најсигурни информации, Фактор повторно излезе на терен. Рентген апаратот на Клиниката за Хирургија навистина работи, а тоа ни потврдија и вработените шалтерот. Но, овој дијагностички апарат на Институтот за радиологија се уште не работи.

-Уште е на сервис, не знаеме кога ќе биде готов, немаме никакви подетални информации, ни потенцираа од приемните шалтери на Институтот за радиологија.

По ова Фактор побара да и биде пренесено на директорката Белчевска (која цел ден беше недостапна, односно не одговараше ниту на повиците, ниту на СМС пораките, како и на Вибер, дека ќе објави текст дека апаратот не е во функција, утврдувајќи го тоа на терен, сосема спротивно на нејзините тврдења. Кусо по нашето укажување, д-р Белчевска се јави на Вибер, и тврдеше дека двата апарати работат, посочувајчи ги Клиниката за Хирургија и Ургентниот центар, иако тој во ниту еден момент не беше споменат во претходниот текст што го објави Фактор.

Во однос на рентген апаратот на Институтот за радиологија, за кој конкретно пишува Фактор, директорката Белчевска рече, дека не е запознаена со тоа, бидејќи последните два дена не била тука, и дека најверојатно не сме се разбрале најдобро за кој апарат станува збор.

По телефонскиот разговор, на Вибер дополни:

Инаку, Институтот за радиологија во текот на ова лето е постојано во фокусот на јавноста. Кон крајот на јуни тешко болни пациенти се пожалија дека резултатите од направените снимања, компјутерска томографија и магнетна резонанца не им се прочитани со месеци. Сега, пак, потребните рентген снимања кои мора да ги направат заради точна дијагностика, а следствено на тоа и точно одредување терапија,  мора да одат или во ГОБ „8 Септември„ или пак во старата градска болница. На оние кои им дозволува буџетот, снимки прават во приватните здравствени институции.

Анита Буховски