По препорака на ММФ – засилена контрола врз Јавниот долг!

Добивај вести на Viber

Со поголем број на показатели и поголем фокус на оценката за ризиците, Народната Банка оваа година планира да го засили следењето на трендот на задолжувања. Според информациите од најновата Програма за работа на НБРМ,  се планира унапредување на рамката за одржливоста на Јавниот долг во согласност со методологијата на Меѓународниот Монетарен Фонд. Токму претставникот на ММФ, на звршницата од 2013 та година порача дека иако долгот сеуште е на умерено ниво, потребна е финансиска консолидација и засилена контрола. Наворешниот и Јавниот долг – под засилена контрола! Во согласност со методологијата на Меѓународниот Монетарен Фонд, Народната Банка најавува дека во текот на оваа година ќе ја унапреди и ажурира рамката за оцена на одржливоста на надворешниот и на Јавниот долг. Ова значи дека НБРМ ќе воведе поголем број на показатели за одржливоста на долгот како и поголемо фокусирање на оценката на ризиците. “НБРМ ќе изготви т.н “Стохастичка анализа на одржливоста на долгот којашто овозможува анализа на динамиката на јавниот долг и факторите што влијаат врз него, потоа користење фискален модел за симулации на фискална консолидација или експанзија и  вклучување стрес-тест сценарио за влијанието од фискалните трошоци од финансиска криза врз патеката на јавниот долг “ – пишува во Програмата на Народната Банка. ММФ побара засилена контрола Инфраструктурата за овие истражувања е веќе поставена но таа дополнително ќе се унапреди и надгради. На истекот од 2013 та година, кога беше забележено засилено темпо на раст на Јавниот Долг на Централната Влада, но и раст на Бруто Надворешниот долг, претставникот на ММФ за Македонија,  Патрик Житон упати на засилена контрола врз идните задолжувања. “Долгот на владата се уште е умерен и е еден од најмалите во регионот, но многу е зголемен во текот на изминатите години. Од почетокот на кризата тој се зголемил за 15%, што е значително. Има потреба од контролирање на нивоата на долговите, како и фискална консолидација, што значи дека намалувањето на фискалниот дефицит ќе го поттикне кредибилитетот на политиката и на крај ќе создаде простор економската политика да реагира ако во иднина има некакво опаѓање“ - оцени Житон од ММФ. Сличен став испорача и гувернерот Димитар Богов, кој посочи дека во оваа економска 2014 та година,  ризиците и натаму ќе демнат, но екомскиот раст треба да се потпира на домашните инвестиции. “Треба да направиме се за македонската економија да ја задржи стабилноста, да ги задржи добрите перформаски во иднина а се со цел да остане како цврст столб на сите останати политики во земјава. Со тоа се гарантира и пошироко стабилноста на земјата. “ - изјави Богов и додаде : “Треба да бидеме внимателни за тоа дека во наредната година веќе очекуваме раст на приватниот сектор. Ако до сега растот беше поттикнуван од странските директни инвестиции и од јавните инвестиции, сега треба да настапи и приватниот сектор а со тоа ќе се зголеми и домашната побарувачка. Во такви услови треба да се внимава да не се наруши рамнотежата во домашната економија“ - оцени гувернерот. Груевски: Македонија умерено задолжена Неодамна премерот Никола Груевски изјави дека Македонија останува во зоната на умерена задолженост  и дека Владата внимателно ги менаџира сите идни задолжувања. “Кога ние дојдовме во Владата во 2006-та долгот на Македонија беше речиси 40 отсто од БДП. Во следните две години предвремено се раздолживме и имавме добри економски години. Имаше критики во тоа време дека не е паметно предвремено да се раздолжуваме, но ние мислевме дека тоа ќе ја доведе земјата во една поинаква ситуација. Со тоа раздолжување стигнавме до 25 отсто државен долг. Тогаш никој од нас не знаеше дека следува европска и светска криза. Но, тој потег ни  беше од голема помош за времето на криза. Кога земјите се бореа со долгови, кога бараа начини да излезат од тоа, ние имавме 25 отсто долг“ - рече Груевски, додавајќи дека во најтешката криза во 2009-та Македонија имаше трет најмал пад на економијата. Во текот на оваа 2014 та година Народната Банка планира да изготви и показатели за ранливоста на македонската економија и за одделни земји во регионот. “Наодите од тие показатели ќе овозможат преземање на  рани мерки и навремено спречување на евентуални кризи.“ – објаснуваат од НБРМ. Во буџетската 2014 та и 2015 та година, според Владата јавниот долг ќе се движи околу 34% а  2016 та година би изнесувал 37,6 %.