„ПОБРЗО И ПОЕВТИНО ПЛАЌАЊЕ ВО ЕВРА ЗА ГРАЃАНИТЕ И КОМПАНИИТЕ“: Величковски од Народната банка за интеграцијата во СЕПА
Објавено во: Финансии 18 Јуни, 2024 10:48
Интензивните активности во изминатите неколку години за усогласување на домашната правна рамка во платежната сфера со правото на Европската Унија создадоа основа за започнување на процесот за интеграција на земјата во Единствената област за плаќања во евра (СЕПА), пред да пристапиме во ЕУ. Ова го најавува директорот на Дирекциајта за платни системи при Народна банка на Македонија, Игор Величковски.
Тој итакнвуа дека Народната банка во соработка со релевантните државни институции, на крајот на април оваа година поднела барање до Европската комисија за неформална оцена на правната и функционалната еквивалентност на нашата регулатива со законодавството на Европската Унија.
- По добивањето и разрешувањето на евентуалните забелешки, барањето ќе биде и официјално поднесено до Европскиот совет за плаќања. Со пристапот до СЕПА, домашните банки ќе добијат можност да бидат учесници во платните системи (платежните шеми) во областа на СЕПА, што ќе обезбеди директни релации со многу странски деловни банки, а тоа ќе придонесе за побрзи и поевтини плаќања во евра за граѓаните и за компаниите во земјата - објаснува Величковски.
Според него, со интеграцијата на земјава во СЕПА, граѓаните и фирмите ќе може на брз, безбеден и ефикасен начин да вршат безготовински плаќања во евра кон земјите членки на ЕУ, како и кон голем број земји коишто не се членки на ЕУ. Дополнува дека со пристапот кон СЕПА, ќе се намалат и трошоците за прекуграничните трансакции, што е особено значајно за дознаките коишто ги праќаат нашите граѓани од странство.
- Пристапот до СЕПА ќе им овозможи на домашните банки да бидат учесници во платните системи, преку кои се извршуваат плаќањата во евра во оваа област, што ќе овозможи побрз и поевтин пренос на парични средства имајќи предвид дека комплексните кореспондентни аранжмани ќе бидат избегнати. Со директен пристап до платните системи, домашните банки ќе можат да ги намалат своите трошоци за извршување на плаќањата во евра - нагласи Величковски додавајќи дека предностите од пристапувањето во СЕПА се многу значајни за граѓаните и за компаниите имајќи предвид дека најголемиот број од прекуграничните плаќања се извршуваат во евра.
Само за илустрација, минатата година преку банките во земјата, 87 проценти од вкупните одливни прекугранични плаќања, односно 77 отсто од вкупните приливни прекугранични плаќања се извршени во евра.
Инаку, СЕПА брои 36 земји членки, меѓу кои 27 земји членки на Европската Унија, четирите земји членки на Европската асоцијација за слободна трговија (Исланд, Лихтенштајн, Норвешка и Швајцарија) и Обединетото Кралство, како и неколку други држави (Андора, Монако, Сан Марино и Ватикан).
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
