Почна „Глобалната недела на пари“ во Македонија

Добивај вести на Viber

Александар Линин, најдобриот ученик од четврта година во Средното економско-правно училиште „Васил Антевски – Дрен“ симболично го удри ѕвончето на Македонската берза и го значи старот на Глобалната недела на пари во Македонија. Според вицепремиерот и министер за финансии Зоран Ставрески, секој човек некогаш се соочува со прашањето дали и како да вложи одредена сума пари.

„Одредени истражувања покажуваат дека речиси половина од луѓето во некоја фаза имаат финансиски проблеми и за нив најчесто не се обраќаат до финансиските експерти, туку повеќе разговараат меѓу себе, со колегите на работа и семејството. Затоа е потребно да се подигне степенот на финансиска едукација за сите генерации, почнувајќи од децата во основно образование“, рече Ставрески.

Управувањето со парите  е иста одговорност како и управувањето со сопственото здравје - колку подобро тоа го правите, толку полесно ќе ви биде во животот и ќе имате помалку финансиски проблеми, порача Ставрески. Главниот извршен директор на Македонската берза Иван Штериев смета дека еден од основните предуслови за да се зголеми финансиската инклузија е да се подобри едукацијата на младите и на децата за правилата на финансискиот пазар.

„Во една пазарна економија, настаните на Берзата и околу неа се едни од најважните економски феномени. Постои глобален консензус дека е потребно нивото на финансиска едукација и писменост во светот да се подобрува“, рече Штериев.

Во рамките на Глобалната недела на пари, 30 најдобри ученици од училиштето добија можност да тргуваат на Виртуелната берза, едукативен портал на Македонска берза, кој е симулација на вистинското тргување. Ученикот кој по еден месец тргување ќе постигне најдобар резултат ќе добие награда – бесплатна обука во Македонската берза за принципите на пазарите на капитал. Слична активност од денеска има во 17 берзи низ светот меѓу кои и берзите во Париз, Лондон, Берлин и Стокхолм. Главниот извршен директор на Македонската берза, Иван Штериев посочи дека еден од основните предуслови  за да се зголеми финансиската инклузија е да се подобри едукацијата на младите и на децата