Добивај вести на Viber
Црногорската Влада соопшти демантира, не се точни најавите дека нивната држава нема да биде примена во НАТО догодина, бидејќи, според анализите во повеќе медиуми, Алијансата планира Црна Гора да ја прими за членка во „пакет“ со Македонија. Како што јави Танјуг медиумските извештаи се произволни и неосновани.
„Имајќи го предвид тој факт, кој е јавно искажан повеќе пати од официјални претставници на НАТО и потврден на бројни состаноци на претставници на Црна Гора и Алијансата, како и повторените ставови на бројни држави од Алијансата дека Црна Гора од државите кои сакаат членство денес е најблиску од повик, тврдењата дека Македонија го кочи влезот на Црна Гора во НАТО немаат реална основа“, стои во соопштението.
Според текст во подгоричкиот весник „Дневне новине“, повикувајќи се на извори во НАТО, весникот наведува дека Северноатлантската алијанса инсистира на истовремен прием на Црна Гора и Македонија.
Весникот истакнува дека иако Црна Гора ги исполни повеќето задачи, односно остана уште да обезбеди посилна поддршка од граѓаните, таа нема да биде примена во НАТО се додека Македонија не го реши спорорт со Грција околу името.
„Дневне новине“, пишува дека тоа е причината поради која самитот на НАТО следната година нема да се занимава со проширување на Алијансата.
Црна Гора во моментов го спроведува Акцискиот план за членство (МАП), што се смета за предворје за полноправно членство во НАТО.