„ПОДОБРО ДА ГО ЖРТВУВАМ ЖИВОТОТ ОТКОЛКУ СТОТИЦИ ДА УМРАТ“ - храбар тинејџер (15) помогна луѓето да избегаат од терористите во Москва

Добивај вести на Viber

Ислам Калилов (15) спасил повеќе од 100 луѓе од масакрот во Москва и како што рекол во ексклузивно интервју „не оставил никого зад себе“.

„Дури кога видов луѓе како бегаат од ескалаторот сфатив дека нешто се случува. Тогаш сфатив дека се работи за терористички напад“, рекол Ислам.

Тој истакна дека им верува на своите инстинкти и дека во моментот се однесувал онака како што чувствувал дека треба.

„Извикав: „Пукање, луѓе, сите, трчајте на Експо“, објасни тој.

Кога новинарот го прашал дали последен си заминал, тој рекол дека така било и дека никого не оставил зад себе.

„Никого не оставив зад себе, сите ги одведов до излезот“, објасни тој.

Тој напомена дека видел еден од напаѓачите и го опишал како „оној со брада“, но дополни дека нападот се случил на вториот кат и не можел да види ништо друго.

„Тие беа над мене, до главниот влез“, рече тој.

Тој истакна и дека брадестиот терорист бил камуфлиран во зелена облека и носел пушка во раката.

„Подобро да го жртвувам својот живот отколку животите на сто луѓе“, изјави храброто момче за RT.

The hero who saved 100s of people in Moscow, Islam Khalilov:

" I didn't leave anyone behind" pic.twitter.com/xZN9PsiOuM

— ONE (@One_Dawah) March 24, 2024

Да потсетиме, во петокот на 22 март руската престолнина беше погодена од страшен терористички напад во кој загинаа најмалку 137 луѓе, а повеќе од 100 беа ранети. Убиени се и три деца.

Одговорноста за нападот во Москва ја презеде Исламската држава (ИСИС), а подоцна објави видео за кое тврди дека е видео од нападот во Москва.

Федералната служба за безбедност на Русија денеска по апсењето соопшти дека четворицата осомничени терористи, по нападот што синоќа го извршија во концертната сала „Крокус сити хол“ во Москва, имале намера да ја преминат границата меѓу Русија и Украина и дека имале контакти на украинска страна.

Нападот се случил во 18 часот кога најмалку три лица во маскирни униформи упаднале во „Crocus City Hall“, каде во тој момент, меѓу другото, се одржувал концерт на популарната руска група „Пикник“.

Напаѓачите буквално отвориле оган врз присутните цивили од вратата, а потоа фрлиле бомба или запалив материјал кој предизвикал голем пожар. На местото на настанот излегле припадници на итната помош, како и голем број специјалци кои влетале во зградата.