Поевтини кредити, но и пониски камати за штедење!

Добивај вести на Viber

Штедењето расте, но со забавено темпо. Растот е резултат на уделот на депозитите на населението. Банкарите најавуваат поефитинување на кредитите, но и натамошно намалување на каматите за штедењето. Заклучно со септември, на име депозити лежат 4,1 милијарда евра, додека кредтната изложеност изнесува 3,6 милијарди евра. Нефункционлните кредити и натаму се во пораст. Заклучно со септември тие изнесуваат 11,5 проценти. Кредитниот и депозитиниот раст во третиот квартал е понизок од очекувањата и проекциите на Народната Банка. Штедењето во денари – во пораст! Депозитната база забаевно расте. Заклучно со крајот на септември, стапката на раст на вкупните депозити изнесува 5,1% и е помала од онаа што ја прокетираше Нардната банка за третиот квартал од 7,3%. Во вкупните депозити, денрските и натаму имаат најголемо учество. “Остварениот годишен депозитен раст во најголем дел е резултат на денарските депозити, при умерен годишен раст на девизните депозити. Притоа, придонесот на штедењето во домашна валута е значително повисок во однос на очекуваниот со последните проекции.“ – констатира Народната банка во најновиот октомвриски извештај. Во август, каматните стапки на денарските и на девизните депозити забележаа месечен пад од по 0,1 процентен поен. И понатаму приносите од денарското штедење се попривлечни за штедачите. Банкарите најавуваат ново намалување на каматите за штедење. Според првиот човек на банкарското здружение, Ѓорѓи Јанчевски, овој потег би бил очекуван поради, како што вели, политиката на НБРМ за постојано намалување на референтната камата и каматата на благајничките записи. Друга причина лоцира и во ликвидноста на банките, која годинава е зголемена за само еден процент. Според Јанчевски, до крајот на годинава можно е и поефтинување на кредитите, кој според него оставриле позначаен раст. “Со оглед на фактот дека банките имаат зголемана ликвидност, а помали пласмани може да се очекува пад на каматите на кредитите. Порастот на економијата во првиот квартал од 2,9 отсто и 3,9 отсто во вториот квартал од годинава имаше свое влијание и врз банкарскиот сектор, односно позитивно се одрази во зголемување на кредитите за 7 отсто кај населението и еден отсто кај компаниите“ – изјави Јанчевски. Според НБРМ, кредитниот раст во септември е со позасилено темпо во однос на август, и тоа главно резултат на нови кредитни задолжувања на населението. “Заклучно со септември  годишната стапка на раст на вкупните кредити изнесува 3,8% и е под проекцијата за третиот квартал од 4,6%. На квартална основа, заклучно со 30.9.2013 година вкупните кредити бележат раст, што преставува половина од очекуваниот квартален раст согласно со априлската проекција.“- оценува НБРМ. На крајот од септември, нефункционалните кредити достигнаа ниво од 11,5%. “Рецесијата имаше свој импакт и врз економијата што се одрази и врз порастот на нефункционалните кредити. Ние сме меѓу земјите кои имаат понизок процент на нефункционални кредити, кој во првите девет месеци од годинава изнесува 11,5 отсто, односно 6,9 отсто кај населението и 14,9 отсто кај компаниите“ - изјави Јанчевски. Заклучно со септември, депозитната база во банките изнесува 4,1 милијарда евра. Кај штедењето на населението е регистриран годишен раст од 6,6% додека кај приватниот сектор раст од 4,1%. Во септември, вкупната кредитна изложеност изнесува 3,6 милијарди евра.