ПОЛИЦИЈАТА ВО ХАМБУРГ НА НОЗЕ, ЈА БЛОКИРАШЕ ЖЕЛЕЗНИЧКАТА СТАНИЦА: Човек заразен со смртоносен вирус патувал во возот

Добивај вести на Viber

Германската полиција го блокираше пристапот до перонот на железничката станица во Хамбург поради стравувањата дека во брз воз кој пристигнал од Франкфурт има патници кои може да се заразени со опасен вирус.

Би-би-си јавува дека маж во тој воз и неговата девојка имале симптоми слични на грип за време на патувањето до Хамбург.

Се наведува дека во Германија пристигнале од странство каде лекарите третирале маж инфициран од заразна болест, без да се прецизираат за каква болест се работи.

Британскиот медиумски сервис наведува дека не е јасно какви точно тегоби имал мажот за кој беше пријавено дека е студент по медицина, но се знае дека немал покачена температура.

#JUSTIN : Major train station in Germany stormed by police amid 'deadly virus' fears

German police cordoned off tracks 7 and 8 at Hamburg Central Station for several hours on October 2 after fears emerged of a traveller being infected with the deadly Marburg virus.

Hundreds of… pic.twitter.com/05UPaDrjVF

— upuknews (@upuknews1) October 2, 2024

Хамбуршкиот весник „Morgenpost“ на својата веб-страница наведе дека патниците во Франкфурт пристигнале од Руанда.

Tим од полиција и пожарникари утринава пристигнале на станицата во Хамбург за да го пречекаат возот, а младиот човек и неговата девојка веднаш беа пренесени во специјалистичка клиника.

Платформата на станицата оттогаш е повторно отворена.

Hamburg Central Station closed by police due to suspected 'eye bleeding' Margurg virus in two passengers.

Most outbreaks of Marburg virus, with a fatality rate of up to 88%, have occurred in Sub-Saharan Africa. pic.twitter.com/1nEOnw5W0C

— VoxPopuli (@vpopulimedia) October 2, 2024

Би-би-си јавува дека Руанда, земја во источна Африка води битка против вирусот Марбург кој неодамна се појави таму.

Истовремено, според наводи на Ројтер кој ја пренесува изјатавата на руандскиот министер за здравство, Иван Бутера, земјата е подготвена да започне вакцинација и терапевтски клинички испитувања за лекување на вирусната болест. Оваа болест, која првпат беше потврдена во земјата кон крајот на септември, досега уби 11 лица, а има уште 36 пријавени случаи, покажуваат податоците на Министерството за здравство.

Повеќето епидемии на Марбург вирусот, со стапка на смртност до 88 проценти, се случиле во Субсахарска Африка.