ПОНИСКИ ПОРАМНИТЕЛНИ ФАКТУРИ ЗА ПОТРОШУВАЧИТЕ - топлото време не куртули од скапото парно

Добивај вести на Viber

ЕСМ Снабдување со топлина нагласува дека грејната сезона 2022/2023 започна на 15 октомври, но поради надворешните временски услови траеше подолго од вообичаеното, односно беше продолжена до 28 април. Но иако изминатата грејна сезона траела девет дена подолго од вообичаеното, сепак просечните надворешни температури во некои месеци беа значително повисоки од прогнозираните кои се користат во пресметката на авансните фактури.

Токму затоа најголем дел од потрошувачите кои ги плаќаат фактурите на 8 и 12 месечни рати (97 отсто), оваа грејна сезона ќе добијат пониски порамнителни фактури споредено со авансните. Сепак, висината на порамнителните фактури е различна за секој потрошувач и зависи од карактеристиките и енергетската ефикасност на објектот и од количината на испорачана топлинска енергија до објектот, соопштија од компанијата.

Инаку, потрошувачите, во текот на грејната сезона, во фактурите за топлинска енергија добиваат податок колку енергија потрошиле, како и за износот на разликата меѓу потрошената и прогнозираната топлинска енергија.

-Ако при порамнувањето се утврди дека е потрошена повеќе топлинска енергија отколку што авансно е пресметана, тогаш разликата се распределува на три еднакви рати и соодветно се фактурира во сметките за месеците мај, јуни и јули. Ако пак потрошувачот авансно платил повеќе отколку што е утврдено при мерењето на потрошената топлинска енергија, тогаш може да побара поврат на разликата доколку нема заостанати долгови, соопштија од ЕСМ снабдување со топлина.