Попова кула со добивка од 8 илјади денари

Добивај вести на Viber

Попова Кула, во првите шест месеци, остварила добивка од 8 илјади денари, стои во образложението на финансискиот извештај на компанијата објавен на Македонскта берза. Во однос на истиот период лани, добивката е намалена за 2.064 илјади денари. Приходите од продажбата за првите шест месеци изнесуваат 15.928 илјади денари, а трошоците на продадени производи изнесуваат 12.196 илјади денари. Набавната вредност на продадените материјали изнесува 1.014 илјади денари, останатите оперативни приходи се 285 илјади денари, административни трошоци се 2.453 илјади денари, а финансиските расходи се 542 илјади денари. „Намалувањето на добивката се должи на намалените приходи во однос на лани, и тоа намалени се приходите за фактурирање на извршени услуги за подигање на лозје на ќерки фирми на ВВ Попова Кула АД Демир Капија затоа што најголем дел од трошоците за подигање на лозјата беа настанати во првите шест месеци од ланската година. Исто така оваа година имаме и намалување на вонредните приходи за 1.168 илјади денари кои беа резултат на добиен судски спор. Ако на сето ова се додаде и рецесијата и намалената продажба на вино во Македонија, иако имаме намалени трошоци во однос на ланскиот период сепак првите шест месеци ги завршивме со 8 илјади денари добивка“ - се вели во соопшението на Попова Кула.