Потерницата за Никола Груевски осамна на сајтот на МВР
Објавено во: Македонија 12 Ноември, 2018
Фотографија од екс премиерот Никола Груевски е објавена на интернет сајтот на Министерството за внатрешни работи, затоа што е распишана потерница.
„Никола Груевски, од татко Тало и мајка Надежда, роден на 31.08.1970 во Скопје се бара за пронаоѓање и приведување заради извршување на казната затвор во траење од две години за сторено кривично дело- примање награда за противзаконито влијание од чл. 359 ст.2 од КЗ“– е тексот со кој е проследена фотографијата.
По налог на Кривичниот суд, МВР попладнево распиша потерница по Никола Груевски кој се бара за отслужување на двегодишната затворска казна за случајот „Тенк“.
Во петокот беа направени три обиди од судски курири да му ја врачат одлуката, а такви обиди беа направени и денеска.