Потфрли собирањето ДДВ, македонскиот буџет лани покус за 186 милиони евра

Добивај вести на Viber

Македонскиот буџет во 2012 завршува со приходи кои се за 186 милиони евра пониски од планираните. Ланската 2012 та година заврши со буџетски приходи од 2 милијарди и 241 милион евра. Со ребалансот на буџетот, Владата планираше да собере 2 милијарди 427 милиони евра. Според објавените, прелиминарни податоци за остварување на Буџетот во 2012 та година, државата лани потрошила 2,5 милијарди евра а планирала да потроши 2,6 милијарди евра, што значи дека освен на приходната страна нема реализација ниту на планираните трошења со ребалансот на буџетот. Најголемо потфрлање кај ДДВ Позначајно потфрлување има кај приходите по основ на ДДВ. За разлика од владините проекции да се соберат 718 милиони евра, во дванаесетте месеци од ланската година се собрале околу 630 милиони евра, што претставува минус од речси 90 милиони евра. Анализата покажува дека натфрлување на буџетските проекции има и кај акцизата. Во 2012 та се собрале 273 милиони евра, а според очекувањата, приходите од оваа давачка биле позиционирани на 259 милиони евра. Слаба реализација на капиталните расходи Ниту во 2012 та Владата не успеа да ги релизира планираните капитални расходи. Со ребалансот на буџетот тие беа позиционирани на близу 348 милиони евра, а според реализацијата на буџетот, заклучно со декември за каптални расходи се потрошени 305 милиони евра. Лани буџетот доживеа еден ребаланс и беше предмет на жестоки расправии меѓу власта и опозицијата за начинот на трошење на државните пари. Опозицијата тврдеше дека станува збор за неразвоен и мегаломански, а власта за реален буџет кој ќе одговори на кризата. Пресметките во сличен тон продолжија при расправата за буџетот оваа година, по што дојде до немилите буџетски настани кои предизвикаа своевидна политичка криза во земјата. Д.А.