Поткупи, закани, агитирање: Што се регистрираше досега МВР како неправилност на избирачките места?

Добивај вести на Viber

Во 7 часот утрово на 3 480 избирачки места почнаа вонредните парламентарни избори. Во шест изборни единици се избираат 120 пратеници во Собранието, додека седмата изборна единица, за странство, во која се гласаше вчера, дава до три пратеници.

Досега од МВР се регистрирани низа прекршоци.

Организиран превоз, агитирање, поткуп, се дел од забележаните нерегуларности.

Во населба Шуто Оризари, лица блиски до функционер делеле огревни дрва за поткуп и истите ги превезуваат со Комбе. ПОШ на СВР Скопје усно е известен од страна на Командирот на ПС ОН Чаир дека се извршени проверки но не се пронајдени лица ниту огревни дрва.

Во с. Средно Коњари - избирачко место 2383, од штабот на политичка партија кој е во непосредна близина на избирачкото место била пуштана гласна музика со песни за политичката партија со што причинувала незадоволство кај гласачите.

- На ул.Шуто Оризари во центарот кај таксистите, пријавителот се поплакува од едно познато и 5-6 непознати лица дека му се заканувале за да гласа за одредена политичка партија.

-На ул. Ленинова, на потегот од Партизански одреди до Илинденска, непознати лица со ПМВ Шкода сопираат граѓани и истите нудаат пари за да гласаат за одредена партија.

-На избирачко место бр. 1029 во Клуб на резервни воени старешини во Куманово на ул. „Иво Лола Рибар“ лице откако гласало го фотографирало гласачкото ливче. Се преземаат мерки за расчистување на настанот. 

-  Во Штаб на партија спроти ОУ „Дитурија“ биле делени пари на граѓани.

-  На ул. 2 во Идризово пред избирачко место била собрана поголема група лица кои агитирале кај граѓаните кои доаѓале да гласаат.

-  Во с.Сандево ОУ „Александар Урдаревски“ со ПМВ Рено и Комбе во неколку наврати се носат гласачи.

-  На ул. „Дижонска“ пред училиштетоима четири лица од кои две се косовски граѓани и истите им се закануваат на гласачите кои идат на гласање и агитираат за некоја партија (не посочи која). Пријавителот приметил дека едно од лицата имало пиштол кој го покажувал на гласачите додека се заканувале.

-На подрачјето на гласачкото место бр. 0677 во ОУ „Тоде Хаџистефов“ во Кавадарци од страна на избирачкиот одбор е пријавено дека брачен пар, откако дошле на гласачкото место зад параванот почнале меѓусебно да се договараат, за кого да гласаат, по што сопругот го земал ливчето од неговата сопруга, го скинал и ја напуштил просторијата, по што во 12,00 часот, гласањето е прекинато. Од страна на претседателот на избирачкиот одбор повикан е УПС во моментот се пребројуваат гласачките ливчиња, а за настанот е консултиран и ОЈО Кавадарци и се чекаат насоки за натамошно постапување.