Пожар изби и во виничко, но за неколку часа е изгаснат
Објавено во: Македонија 22 Јули, 2022 15:58
Пожар избил во околината на градот Виница, но тој е ставен под контрола.
Центарот за управување со кризи(ЦУК) објави дека пожарот што денеска се појавил на пладне во месноста Скараница, за неколку часа го изгаснале пожарникарите од Виница и дел од месни жители. Директорот на ЦУК, Стојанче Ангелов, беше на лице место на терен при што искажа благодарност и им оддаде признание на пожарникарите за брзата и успешна реакција за локализирање и гаснење на пожарот за неколку часа веднаш по неговото појавување околу 12 часот. Беше зафатена површина околу 10 до 15 хектари од мешана шума и трева, а и еден овоштарник со сливи. Дежурна екипа од виничките пожарникари ќе внимава за да не се разгори. Во меѓувреме, пожар има во беровските села. Станува збор за Будинарци и Митрашинци. Во непристапниот планински терен гори на неколку локации, пожарникари, но и вработени од повеќе институции се на терен и го гаснат пожарот од земја.
фото ЦУК
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
