ПОЗНАТ БАНКАР И ЧЛЕН НА УПРАВНИОТ ОДБОР НА СТОПАНСКА БАНКА СКОПЈЕ СТАНУВА ВТОР ЧОВЕК НА БАНКАРСКИОТ ЕСНАФ - Бојан Стојаноски именуван за заменик претседател на МБА
Објавено во: Финансии 05 Декември, 2024
Банкарското здружение има нов заменик претседател, а тоа е познатиот банкар Бојан Стојаноски.
„Македонската банкарска асоцијација со задоволство ја информира јавноста дека на 48. Седница на Собранието го именуваше г. Бојан Стојаноски за заменик-претседател на Асоцијацијата, со мандат од четири години“, соопштија од банкарскиот еснаф.
Како што известија од Македонската банкарска асоцијација, Стојаноски е истакнат банкарски професионалец со повеќе од 25 години искуство во банкарскиот сектор, од кои 15 години на раководни позиции.
„Тој е долгогодишен и активен член на Македонската банкарска асоцијација уште од нејзиното основање, при што се истакна со својот значаен придонес како претседавач на Комисијата за реструктурирање корпоративен долг“, велат од Македонската банкарска асоцијација.
Моментално Стојаноски е Генерален директор за управување со ризици и член на Управниот одбор на Стопанска банка АД – Скопје, функција што ја извршува од март 2020 година. Неговото професионално портфолио вклучува и високи раководни позиции во Халк Банка АД – Скопје. Дополнително, тој бил член на Управниот одбор и втор Генерален директор на КБ Прво пензиско друштво АД – Скопје.
„Македонската банкарска асоцијација e уверена дека неговото искуство, стручност и посветеност ќе донесат голем придонес во остварувањето на целите на Асоцијацијата. Срдечно му честитаме на г. Стојаноски и му посакуваме многу успех на новата функција“, потенцираат од Македонската банкарска асоцијација.
Можеби ќе ве интересира
НА ВЛАДИНА СЕДНИЦА ЌЕ СЕ ДОГОВАРААТ ПРОЦЕДУРИТЕ ЗА КРЕДИТНАТА ЛИНИЈА ЗА КОМПАНИИ - унгарскиот заем наскоро достапен
ПРАТЕНИК ВО СОБРАНИЕ ЗЕМА 28 ИЛЈАДИ ЕВРА ПОВЕЌЕ ОД КОЛЕГА ВО ХРВАТСКОТО – опозициската Левица бара законски измени
Банките додаваат „ветар во грб“ на финансиските пазари
QUANT, TRUMP и DOGE: Мемекоини - од тинејџерска шега до општествен феномен
ДАНОЧНА ИЗМАМА ТЕШКА НАД 11 МИЛИОНИ ДЕНАРИ - финансиска полиција гони компанија од Скопје, еве ги деталите
ГОДИНА ВО КОЈА МАКЕДОНЦИТЕ СЕ НАУЧИЈА ДА ШТЕДАТ ВО ДЕНАРИ, И ДОБРО ИМ Е - лани раст на граѓанските влогови во домашна валута за 634 милиони евра
КАКВО „ЗЛАТО“ БАРААТ ИНВЕСТИТОРИТЕ ВО КОМЕРЦИЈАЛНА БАНКА - со блокови и редовно вчера направен промет од над 700 илјади евра
ПРОСЕЧНАТА ПЛАТА СКОРО 42 ИЛЈАДИ ДЕНАРИ - еве кои сектори имаат повисоки плати, а каде се намалени
ПЛАТЕНИ СЕ 716 ИЛЈАДИ ЕВРА ЗА 1,17 ОТСТО ОД АКЦИИТЕ НА УНИ БАНКА - кој е купувачот во двата блока
