Пратеник го навреди министерот Филипче
Објавено во: Македонија, Корона Вирус 28 Октомври, 2020
Пратеникот од ВМРО-ДПМНЕ, Петар Ристески му порача на министерот за здравство, Венко Филипче дека се консултирал со стручни лица, инфектолози од Прилеп и од други градови кои велеле дека дел од рестриктивните мерки кои треба да се донесат во Собрание се задоцнети и дека требало да бидат донесени порано.
На расправа на Комисијата за здравство на која се дискутираат измени на Законот за заштита на населението од заразни болести опозицијата бара оставка од министерот Филипче и специјална комисија која ќе се справува со корона кризата.
Ристески му порача дека ако сака да се доедуцира ќе се доедуцира од најдобрите, а не од него.
„Ако барам доедукација ќе барам од некого што има постигнати резултати. Не се учи од кецарош, од последниот, се учи од најдобриот, од оној кој постигнува резултати“, рече Ристески.
Филипче кажа дека мерките се препорачани од СЗО и дека се практикуваат во сите земји од регионот.