ПРЕДИЗБОРНИ ТРОШЕЊА: Стопени се 70 проценти од буџетскиот дефицит!

Добивај вести на Viber

Од јануари до 19 ти март Владата потроши речиси 70% од планираниот буџетски дефицит за целата економска 2014 та година. Дали се повторува ланското сценарио, кога засилените трошења пред локалните избори на крајот резултираа со зголемен буџетски дефицит од 3,5% на 3,9%? Во новиот Предизборен извештај, Министерството за финансии посочува дека реализацијата на буџетот се одвива според планираното темпо. Од почетокот на годината до 19 ти март, вкупните приходи изнесуваат 457 154 471 евра а раходите расходите 664 861 788 евра. Буџетскиот минус изнесува 207,7 милиони евра. Приходи: Од глоби собрани 2,7 милиони евра! Од почетокот на годината до 19 ти март, во државната каса се слеале приходи во вредност од 457 милиони евра. Од нив најголем дел или скоро 407 милиони евра се по основ на даночни приходи и социјални придонеси. Од даночните приходи пак најголем дел од парите се обезбедени од наплата на домашните даноци на стоки и услуги, потоа од ДДВ и од акциза. Буџетските приливи по основ на ДДВ во анализираниот период изнесуваат 126,7 милиони евра За нешто повеќе од два ипол месеци државата од наплата на неданочни приходи (административни такси, такси во образованието и глоби) наплатила 37,2 милиони евра. Во оваа структура само од глобите во државната каса се слеале 2,6 милиони евра. Расходи: За капитални трошења 60 милиони евра!   Од почетокот на јануари до 19 т март од државниот буџет се потрошени 665 милиони евра. “Со ваквата реализација се обезбеди нормално функционирање на сите институции корисници на средствата од Буџетот и навремено сервисирање и исплата на сите законски обврски.“ – пишува во Предизборниот извештај на Министерство за финансии. За исплата на плати и надоместоци се потрошиле близу 93 милиони евра, пари со кои се исплатиле декемвриската, јануарската и февруарската плата за вработените што се буџетски корисници. За еден месец или од 14 ти февруари до 19 март споредбените податоци покажуваат дека има значаен пораст на расходите за стоки и услуги. Така, ако до 14 ти февруари за оваа намена биле потрошени 65 милиони евра, во периодот од 14 ти февруари до 19 ти март се потрошиле уште 64,4 милиони евра. Голем пораст има и кај исплатите по основ на субвенции, или за еден месец сумата се зголемила за 54 милиони евра. Еве за што и колку трошеше државата од почетокот на годината, па во предизборниот период, заклучно со 19 ти март: Субевнции и трансфери      86,1 милион евра Стоки и услуги                    130,4 милиони евра. - договорни услуги                70,4 милиони евра - патни и дневни раходи       2,6 милиони евра - комунални услуги               16,9 милиони евра Социјални бенефиции         219,4 милиони евра По основ на камати за користени кредити и за државни хартии од вредност од почетокот на годинава до 19 ти март државата исплатила 16,3 милиони евра. “Истовремено преку Министерството за труд и социјална политика навремено се вршеа исплати за субвенциите за народни кујни, заштитни организации и енергетска сиромаштија за кои се реализирани 233 милиони денари. Министерството за образование и наука реализираше расходи за ученички и студентски домови, стипендии и школарини во земјата и странство во износ од 271 милиони денари“ – пишува во извештајот на Министерството за финансии. Во анализираниот период, капиталните расходи изнесуваат 59,5 милиони евра, со што Министерство информира дека со овие пари се исплатени обврските на државните институции во согласност со склучените договори. “Од овој износ се исплатени средства за извршени работи на Коридорот 10, за изградба и реконструкција на школи, здравствени установи, спортски објекти, водоводи и канализации, технолошко индустриски развојни зони и др.“ – стои во Извештајот. Од сумата за капитални расходи, за исплата на ратите за новите автобуси и амбулантни возила се потрошиле 7,3 милиони евра. Буџетски дефицит Од почетокот на оваа економска година до 19 ти март буџетскиот дефицит изнесува 207, 7 милиони евра или скоро 70% од планираниот дефицит за целата економска 2014 та година, кој е проектиран на речиси 300 милиони евра. “Реализацијата на приходите и расходите на Буџетот на Република Македонија е согласно планираната динамика и истата непречено се одвива согласно ликвидноста на Буџетот. “ – констатира Министерството за финансии во Предизборниот извештај. Уште при објавување на првиот Извештај за предизборните трошења, бројките покажаа дека за месец и половина или од јануари до 14 февруари буџетскиот дефицит достигна 141 милион евра, по што дел од експертската јавност алармираше на претпазливост за да не се повтори ланското сценарио кога засилените трошења пред локалните избори го зголемија дфицитот од 3,5% на 3,9%. Неодамна и претставници на Меѓународниот Монетарен Фонд порачаа дека Владата треба да опстои на зацртаните буџетски позиции и дека и сегашниот дефицит треба да се консолидира. “Додека Буџетот е насочен кон забрзување на големи капитални трошоци, за железница, гасификација, болници, просторот за овие трошоци може да продолжи да биде ограничен од страна на зголемувањето на другите трошења. Буџетот за 2014 та година вклучува низ на нови тековни издатоци, меѓу кои е ад-хок растот на пензиите за 5 отсто, кој се проценува дека ќе чини 0,3% од БДП – се констатира во неодамнешната оценката бордот на директорите на ММФ. На стартот од оваа година и гувернерот Димитар Богов изјави дека веќе е време да одржува ниво на буџетски дефицит што нема да води кон натамошни задолжувања. Р.Ф.