ПРЕДУПРЕДУВАЊЕ Зголемени ризици врз девизните резерви !

Добивај вести на Viber

Намалувањето на салдото на девизните резерви во август е резултат на транскациите на име на државата, но и намалување на цената на златотo. Откако Народната Банка обjави дека во август салдото на државните резерви  изнесувало  2 милијради 178 милилиони евра,и тие во однос на јули се намалиле за 77,2 милиони евра, ги соопшти и причините. Во најновиот септемвриски извештај НБМ констатира: “Намалувањето на девизните резерви во најголем дел се должи на трансакциите за сметка на државата, односно редовно намирување на обврските за отплата на камата врз основа на третата еврообврзница, како и поради негативните валутни промени и промени на цената на златото“ се посочува во новиот извештај. Она што е ново е предупредувањето на НБМ дека ризиците врз девизните резерви се зголемуваат “Во секој случај, неизвесноста поврзана со домашните политички случувања и грчката должничка криза е присутна и упатува на зголемени ризици поврзани со динамиката на девизните резерви во следниот период споредено со априлските проекции. Ваквите состојби наметнуваат потреба од постојано следење на остварувањата и редовно преоценување на ризиците и нивното значење во контекст на остварувањето на монетарните цели“, се вели во септемврискиот извештај во кој се наведува дека девизниот пазар е стабилен, а показателите за адекватноста на девизните резерви и натаму остануваат во сигурната зона. Според податоците од НБМ, девизните резерви бележат намалување уште од март а во август во однос на јануари, тие се намалени  за 306 милиони евра. Намалувањето на девизните резерви беше нотирано и во извештаите на дел меѓунардните финансиски институции, но беше оценето дека тие се наоѓаат сеуште во безбедна зона.