Предвремени парламентарни избори во Грција по неуспехот да се избере претседател

Добивај вести на Viber

Претседателскиот кандидат на владината коалиција во Грција, Ставрос Димас, не успеа да ги собере потребните 22 гласа и да заокружи победа со поддршка од 180 пратеници. Наместо тоа тој освои 168 гласа што не беа доволни за да биде избран за претседател. Ова беше третиот круг од претседателските избори во Грција и бидејќи грчкиот парламент не ги усогласи ставовите и не даде поддршка за владиниот кандидат сега земјата ќе мора да распише предвремени парламентарни избори и да бира нова влада. Според аналитичарите ваквото сценарио беше се поизвесно, а доколку се дојде до оваа фаза тие истакнаа дека на евентуални предвремени парламентарни избори главен фаворит меѓу народот ќе биде опозициската коалиција Сириза која најави дека доколку дојде на власт ќе го преиспита “Поробувачкиот договор” со меѓународните кредитори. По неуспешниот обид за избор на претседател парламентот ќе се распушти во рок од 10 дена, по што ќе бидат распишани предвремени парламентарни изборти. Можни термини за одржување на избори се 25 јануари и први февруари, но се уште нема официјална потврда.