Прекинати демонстрациите против екстремната десница во Минхен
Објавено во: Свет 21 Јануари, 2024
Демонстрациите против екстремната десница организирани денеска во Минхен беа прекинати со објаснување дека преголем бил бројот на луѓе на улиците.
Организаторите најавија дека на тој протестен марш дошле над 50.000 луѓе, што е двојно повеќе од бројката што била законски пријавена. Според други проценки, таа бројка е уште поголема.
Во големите германски градови со денови се организираат демонстрации против екстремната десница, пред се против попопуларната АфД, која зема замав со својата антиимигрантска политика.
Се почести се барањата за забрана на таа партија, која го користи незадоволството од даночните реформи на актуелната влада.