ПРЕКУ ПОРАКА ИЗРАЗИЛ НАМЕРА ДА ГО УБИЕ ТРАМП: Напаѓачот го открил својот план

Добивај вести на Viber

Рајан Рут, напаѓачот на поранешниот претседател на САД и кандидат за нов мандат, Доналд Трамп преку порака изразил намера да го убие. 

Осомничениот вооружен маж, уапсен во близина на теренот за голф на Трамп, напишал порака неколку месеци претходно во која вели дека имал намера да го убие поранешниот претседател. Ова го покажува судскиот поднесок.

„Ова беше обид за атентат врз Доналд Трамп“, се вели во пораката.

Во судските документи поднесени во понеделникот, обвинителите наведуваат дека 58-годишниот Рајан Рут оставил писмо во домот на сведок неколку месеци пред инцидентот на 15 септември во Флорида.

Рут е во затвор откако е уапсен на 15 септември, откако беше вооружен во близина на голф-клубот на Трамп во Вест Палм Бич, Флорида. Претходно тој имал проблеми со законот, а е регистриран донатор на демократите и ја поддржувал Украина каде и наводно престојувал и бил активен за испраќање платеници и доброволци во војната против Русија.

Рут се очекува да се појави пред федералниот суд подоцна во понеделникот и најверојатно ќе се соочи со нови обвиненија покрај двете обвиненија за вооужувањето. Засега е обвинет дека поседувал оружје, иако е осуден на условна казна и за поседување оружје со избришан сериски број, пренесува Reuters.