Преспанскиот договор му пресуди: Коѕијас даде оставка
Објавено во: Македонија 17 Октомври, 2018
Грчкиот министер за надворешни работи Никос Коѕијас даде оставка попладнево, ден откако имаше тензична дебата со министерот за одбрана Панос Каменос за Преспанскиот договор со Македонија објавија грчките медиуми.
Како што објави Катимерини, нивни извори потврдиле дека Коѕијас му ја врачил оставката на премиерот откако Алексис Ципрас одбил да го поддржи од нападите на Каменос.
Според истите извори, во вторникот Каменос го обвинил Коѕијас за злопутреба на фондовите и дека е човек на милијардерот Џорџ Сорос.
Денеска во текот на денот кога беше објавена веста за можна оставка портпаролот на грчката Влада ја демантираше, но по се изгледа дека Коѕијас останал на ставот.
Не се знае дали Ципрас ќе ја прифати оставката.