ПРЕСВРТ: Веќе нема плаќање придонеси за хонорарци, се укинува Законот!
Објавено во: Економија 29 Јули, 2015
Неочекуван пресврт стигна од синоќешната седница на Владата. Причина - со други мерки на Владата на Република Македонија се исцрпеа ефектите кои што беше предвидено да се постигнат.
Повеќе нема да се плаќа за придонеси за договорите на дело и авторските договори, како и за сличниот тип на договори кои на сила стапија од 1-ви јануари годинава.
Министерот Ставрески потенцираше дека оваа мерка и измиените во законот кои што беа предвидени се во функција на овозможување на лицата кои што се на договори на дело, авторски договори и други слични типови на договори да може да плаќаат придонеси со тоа да ги имаат решено прашањата на користење на здравствените услуги, исто така со уплатата на придонесите да имаат можност да користат пензија и да им се зголеми нивото на пензијата
-Во последниот период де се реализира проектот Македонија вработува , каде што имаме мерка која што овозможува ослободување во период од 1-5 години од плаќањето на придонеси на лица кои што ќе бидат вработени во приватниот сектор. Со тоа практично околу 4000 лица во Република Македонија веќе се имаат стекнато со редовен работен однос и за истите се плаќаат придонесите и за пензиско и за здравствено осигурување, додаде Ставрески.