ПРИРОДИОТ ИМУНИТЕТ Е ДОМИНАНТЕН ВО ОДНОС НА ВАКЦИНАЛНИОТ: Професорот Пановски ги повика релевантните да „гукнат нешто“ јавно

Добивај вести на Viber

Професорот Никола Пановски, во неговиот последен пост на Фејсбук уште еднаш гласно порачува дека природно стекнатиот имунитет од прележување на болеста предизвикана од корона вирусот е значително посилен во однос на вакциналниот. Вели дека сите сме сведоци дека по 3, а особено по 6 месеци дури и вакцинираните со вакцини како Фајзер, ја губат заштитата.

-Се уште не е направена штетата, дајте им на прележаните рок од барем 6 месеци да се вакцинираат. До кога ќе молчите колеги, 45 дена мерка нема никаде во светот, не е точно дека е препорака од СЗО, тие само велат дека месец дена минимум треба да помине.

Целта на постот и прикачената студија е дека природно стекнатиот имунитет спрема ковид е доминантен во однос на вакциналниот. Живееме во држава која воопшто не го признава природно стекнатиот имунитет и како таква е единствена во светот. Целта на постот е да ги разбуди заспаните професори, факултети, комори, МАНИ и специјалистички здруженија да гукнат нешто јавно. Доста ми се тапкање по рамо и шепотења "браво ама им го кажа". Вие треба да им го кажате, порачува професорот Пановски.