ПРОБЛЕМИТЕ НА БОИНГ И ШТЕТАТ НА ЦЕЛАТА АВИОНСКА ИНДУСТРИЈА: Еве што вели шефот на Ербас
Објавено во: Свет 20 Март, 2024
Европскиот производител на авиони „Ербас“ не ужива во техничките проблеми на американскиот конкурент „Боинг“, бидејќи тие го нарушуваат имиџот на целата авионска индустрија, изјави во вторникот извршниот директор Гијом Фори.
„Не сум среќен што мојот конкурент има проблеми. Тие не се добри за индустријата како целина“, рече Фаури.
„Во нашата индустрија квалитетот и безбедноста се врвни приоритети“, додаде шефот на Ербас.
Авионите 737 MAX на Боинг беа приземјени во март 2019 година во земји ширум светот по тешките несреќи на Ethiopian Airlines и индонезискиот Lion Air во кои загинаа вкупно 346 луѓе. Авионите беа вратени во употреба, но во март 2022 година, Боинг 737 на China Eastern Airlines се урна, при што загинаа 132 луѓе.